قبعة بغرزه ملتوية ...

ورشة عمل القبعه بغرزه البريد الموضحه اعلاه

مع الشرح  

0 هنــــــــــــ الورشة ـــــــــــــا 0

البداية / هنعمل دائرة من 7 سلسلة ونقفلها بمنزلقة 

السطر الاول /

 هنعمل 3 سلسلة بمثابة أول عامود وبعدين نشتغل 14 عامود داخل الدائرة ونقفل بمنزلقة 

السطر الثانى /

عمل 3 سلسلة بمثابة أول عامود وبعدين نعمل فى العامود اللى جنبها غرزة عامود أمامية وبعدين نشتغل فوق العامود اللى جنبه غرزة عامود عادية وبنفس العامود نعمل غرزة بريد أمامية وبعدين نشتغل نفس الشىء فى كل عامود (غرزة عامود عادية + غرزة بريد امامية ) يعنى كأنكم بتعملوا عامودين بالغرزة لكن طبعا هنا العامود التانى أمامى 

السطر الثالث

هنعمل 3 سلسلة بمثابة ارتفاع أول عامود وبعدين نعمل فى غرزة البريد الامامية اللى فى السطر الثانى غرزة بريد أمامية أيضا وبعدين نشتغل سلسلة واحدة 

نعمل التالى فى المسافة

(غرزة بريد أمامية + سلسلة+ عامودين ونقفلهم مع بعض + عامودين ونقفلهم مع بعض )

انا بعد ما انهيت السطر ما قفلتش بمنزلقة ليه؟ ( لأنى عايزة أعمل الشكل الحلزونى ) 
طيب هعمل ايه ؟ هشتغل غرزة بريد أمامية فوق غرزة البريد الامامية اللى هتقابلنى

بعد كده هنشتغل فى السلسلة اللى عملتها فى السطر الثالث (اللى هى بين غرزة البريد الأمامية و العواميد المقفولة مع بعض) التالى (عامودين ونقفلهم مع بعض + عامودين ونقفلهم مع بعض) يعنى نفس السطر الثالث ونكمل باقى السطر بنفس الطريقة وهنكرر نفس الطريقة سطرين كمان ( يعنى المجموع 4 سطور يعنى هنعمل اربع سطور بنفس الطريقة ونفس عدد الغرز)

عد ما خلصنا الاربع سطور بنفس الطريقة هنشغل السطر الخامس نفي الطريقة لكن هنعمل 2 سلسلة بدل واحدة وهنزورد عامودين مقفولين مع بعض (يعنى هيبقى غرزة بريد أمامية + 2 سلسلة + عامودين ونقفلهم مع بعض + عامودين ونقفلهم مع بعض + عامودين ونقفلهم مع بعض) وننفذ الطريقة دى فى السطر الخامس والسادس 

السطر السابع هنعمل نفس طريقة السطر الخامس و السادس لكن هنزود معاهم عامودين ونقفلهم مع بعض 

السطر الثامن و التاسع والعاشر نفس السابع لكن هنزود سلسلة يعنى يصبحوا ثلاثة بدلا من اثنين 

وطبعا مش شرط تعملى 10 أسطر اعملى لحد ما توصلى للمقاس اللى يناسبك 

اخر حاجة بقى الشغل اللى فى القبعة من تحت وانا عملته بغرزة الحشو يعنى بتعملى 5 أسطر مثلا بغرزة الحشو (وقد اخترت هذه الغرزة لأن الكل يعرفها )

فى فكرة حلوة نفذتها مبدعتنا ساندريلا فى اخر القبعة وهى انك بدل ما تعملى غرزة حشو تعملى غرزة الاستيك وهى عبارة عن (غرزة بريد أمامية + غرزة بريد خلفية) 

الفيديو للقبعه

 ( هـنــــــ الفيديو الجزء 1 ـــــــا )
( هنـــ الفيديو الجزء 2 ــــــا ) 

 في الجزء الثاني شرح لورده توضع على القبعه في الفيديو 

موديل شبيه له : مع الباترون